Landmasters gilubong sa Laguna

CEBU, Philippines - Namumo ang Mandaue Landmasters sa ilang debut game human gilubong sa Treston-Laguna Stallions, 62-90 sa 3rd leg sa Tournament of the Philippines (TOP) niadtong Martes didto sa Trace College Gym sa Los Baños, Laguna.

Si ex-PBA cager Robert Sans mipabuto og 24 puntos lakip na ang duha ka triples sa second half nga maoy mituboy sa host Laguna sa labing una nilang daog human sa 0-2 nilang sinugdanan sa miaging duha ka legs.

Ang fastbreak plays maoy gihimong hait nga hinagiban sa Stallions, kinsa milansang og 20 puntos sa halftime, 48-28.

Gawas ni Sanz, miabag sab sa opensiba alang sa Laguna mao si Glen Bolocon nga adunay 12 puntos, samtang ang bag-ong magduduwa sa Stallions nga si JR Aquino miduga'g otso puntos.

Bugtong si Jet Latonio lang ang mi-iskor og double figures alang sa pilderong Mandaue Landmasters pinaagi sa iyang 11 puntos. Sila si Jay-R Gerilla ug Ritchum Dennison miamot og otso puntos matag usa.

Sa sayo pa, gipakauwawan sa Ascof Lagundi ang 2nd leg champion Cobra Energy Drink human maka-ipsot bitbit ang 104-102 nga kadaugan.

 Si Bam Gamalinda, kinsa mibahog og 19 puntos ug milangkat og 10 ka rebounds maoy nangulo sa Ascof, samtang ang kanhi UAAP Mythical Five nga si Edwin Asoro miabuno'g 16 puntos.

Puntos Matag Usa

Unang duwa

Ascof Lagundi (104) - Gamalinda 19, Asoro 16, Uyloan 14, Co 14, Manuel 11, Aguilar 8, Talor 7, Canlas6, Lanete 5, Smith 4

 Cobra (102) - Tecson 22, Barua 20, Llagas 16, Espiritu 13, Lingganay 11, Bagatsin 10, Nabong 4, Acuna 3, Canizares 1

Ikaduhang duwa

Laguna (90) - Sanz 24, Bolocon 12, Canizares 10, Musngi 8, Aquino 8, Losentes 7, Ricafuente 5, Mangahas 5, Mercado 3, Legaspi 3, Datang 3, Tolentino 2

Mandaue (62) - Latonio 11, Gerilla 7,Dennison 8, Magdadaro 6, Zanorin 5, Gabas 4, Villaver 4, Ursal 4, Diputado 4, Bucao 2, Caputolan 2, Laygo 2. – BANAT NEWS