MANILA, Philippines - Ipinamalas ni Marlon Stockinger ang kanyang husay nang malagay sa una at pangalawang puwesto sa idinaos na Michelin Formula Renault UK Championship sa Croft nitong nagdaang Sabado’t-Linggo.
Walang hirap na dinomina ng 19-anyos na si Stockinger ang unang araw ng karera noong Sabado nang hindi makalampas sa kanya ang mga kalaban sa 15-lap na karera.
Kinabukasan ay kuminang uli si Stockinger nang kapitalisahin ang problemang kinaharap ng pole-sitter na si Thomas Hylkema at isinantabi ang hamon ni Will Stevens para malagay sa ikalawang puwesto.
“This weekend was without doubt my best ever in single-seater racing, which started with my maiden pole position in Saturday’s first qualifying. I followed that up with the third fastest time in the second to give me a second row start for race two,” pahayag ni Stockinger.
Ang ibang kasamahan sa team sa pamumuno ni David Hayle ay humanga sa ipinakitang diskarte ng batang driver.
“What a fantastic result for Marlon, the whole team is delighted for him, he didn’t put a wheel wrong all weekend and this was our most consistent performance this season,” wika ni Hayle.
“Now we must ensure we can nail qualifying for Marlon as we head into the second half of the season. I have no doubt he is more than capable of challenging for race wins,” dagdag pa nito.
Pahinga ang karera sa susunod na pitong linggo bago babalik sa pagdaraos ng kompetisyon sa Snetterton, Silverstone, Knockhill at Brands Hatch na suportado ng British Touring Car series.