CEBU, Philippines - Nangandam na ang mga masaarong jins dinhi sa rehiyon alang sa 2010 Regional Taekwondo Championship nga gikatakda karong Hulyo 18 diha sa Cebu City Sports Center (CCSC).
Kadtong mga miyembro sa clubs, gyms ug varsity nga adunay nindot nga standing sa Philippine Taekwondo Association (PTA) ang mamahimong mosalmot sa maong torneyo nga gibuak ngadto sa tulo ka kategoriya -- seniors, juniors ug children nga gibahin usab sa managlahing weight classes ug age brackets.
Aduna say classification ang matag dibisyon nga mao ang novice alang sa mga yellow ug blue belters, samtang ang mga advance alang sa red, brown ug black belters.
Ang registration fee nagkantidad og P350.
Ang modaog sa maong torneyo makaangkon og kahigayonan nga morepresentar sa rehiyon alang sa National Taekwondo Championship nga gikatakda sa unang semana sa Agosto didto sa Rizal Memorial Sports Complex sa Vito, Cruz sa Manila.
Sa dugang detalye mahimong motawag ni Tony del Prado sa 0918-9333412/ 254-2655 o ni Raul Luna sa numero 0916-6800031/238-0956. – BANAT NEWS