Borak Billiard Zone 9-Ball sugdan karon
CEBU, Philippines - Magsukdanay sa ilang katakus ang mga dekalibreng cue artists sa labing unang Borak Billiard Zone 9-ball tournament karong adlawa diha sa E-Zone (kanhi Paseo sa Panagdait) sa Brgy. Kasambagan, ning siyudad.
Ang eliminasyon matapos sa Hunyo 25 ug ang championship round himuon sa Hunyo 26.
Ang entry fee nagkantidad og P250, samtang P200 alang sa re-entry fee.
Gawas sa mga customized cue sticks, ang top four placers makadawat usab og ganting salapi, diin ang kampiyon mobulsa og P20,000.
Ang second placer makadawat og P10,000, samtang ang third ug fourh placers makadawat og P5,000 ug P2,000 matag usa. Ang fifth ngadto sa eight placers makaangkon og P500 matag usa.
Ang ninth ngadto sa 16th placers makadawat P300 nga consolation prizes. Makadawat og P1,000 ang mogawas nga “Trick Shot King”.
Giawhag sa mga organizers ang mga partisipante sa pagsul-ob og semi-formal attire atol sa torneyo.
Alang sa dugang pangutana, mahimong motawag ni Junior sa numero 513-9800, Ratsky (0908-4070315), Tata (0915-7622843), Wancho (0915-7716364) ug Elmer (0928-5077134). (BANAT NEWS)
- Latest
- Trending
