Cobra Energy drink gituboy ni LLagas ug Barua

CEBU, Philippines - Nagbaga ang opensa sa Meteors sa pagsugod sa duwa dihang ilang gipauwanan og puntos ang Cobra Energy alang sa 47-23 nga labaw sa halftime.

Niadtong tungura daghan na ang nagtuo nga masakmit na sa Meteors ang kampiyonato, apan wa damha nga misumbalik og rally ang Cobras sa pagpangulo sa 6-foot-5 nga si Llagas kinsa miposte og 18 puntos sa second half ug overtime.

Mikiat usab ang gikoronahang MVP nga si Elmer Espiritu kinsa mihimo og mga krusyal nga play sa final period, samtang si Barua ug si JR Tecson mipatusak sa ilang mga triples nga nahimong yawi sa kadaugan sa Cobra.

Si Patrick Cabahug maoy top scorer sa pilderong Misamis sa iyang 19 puntos, gisundan ni Khiel Misa nga midugang og 15 puntos.

Sa sayo pa, gisakiyo usab sa MP Pacman Gensan ang third place human nila gipukan ang Treston Laguna Stallions, 77-73. Wala hinuon kapakita og aksiyon ang Boxing Icon nga si Manny Pacquiao kinsa mibisita dinhi sa Sugbu.

Puntos Matag Usa

Unang duwa

MP Pacman Gensan (77) - Parreno 19, Gonzaga 15, Daja 8, Medalla 8, Coronado 6, Farochilen 5, Nicado 4, Callo 4, Mendoza 3, Yambao 3, Sagad 2

Treston Laguna (73) - Ricafuente 18, Bolocon 14, Mercado 12, Sanz 12, Musni 8, Glorioso 4, Mangahas 3, Losentes 2

Second game

Cobra (92) - Llagas 20, Barua 20, Tecson 14, Bagatsing 11, Lingganay 7, Espiritu 6, Canizares 6, Nabong 4, Acuna 3, Afable 1

MisOr (85) - Cabahug 19, Misa 15, Andaya 14, Daa 12, Raneses 10, Lamocha 8, Moreno 4, Tagupa 2, Butel 1. – BANAT NEWS