Puwesto sa Final Four asam ng Batangas, Cebu

MANILA, Philippines - Selyuhan ang puwesto sa Final Four sa Dunkin’ Donut Baseball Philippines Series VI ang pakay ngayon ng Batangas at Cebu sa unang laro sa bagong gawang Felino Marcelino Baseball Field sa Taguig City.

Makakaharap ng nag­dedepensang Bulls ang Alabang sa ganap na alas-9 ng umaga bago sundan ng pagkikita ng Dolphins at Pampanga dakong ala-1 ng hapon.

Ang Bulls at Dolphins na parehong nagtatangka sa kanilang ikatlong titulo sa ligang inorganisa ng Community Sports Inc. ay kapwa pinupuntirya ang ikatlong panalo sa apat na laro upang makasalo sa lideratong tangan ng pahinga pero pasok na sa semis na Manila (3-1).