Patrombon paborito vs German netter

MANILA, Philippines - Bubuksan ni Jeson Patrombon ang kampanya sa 11th Gerry Weber Junior Open sa pagharap sa wild card na si Lynn Max Kempen ng Germany ngayon sa Halle, Germany.

Si Patrombon ay itinalaga bilang seventh seed sa kompetisyong ideneklara ng ITF bilang isang Grade 2 event.

Unang salang ito ni Patrombon sa grass courts at ginagamit bilang paghahanda sa paglahok sa Wimbledon sa susunod na linggo.

 Pinapaboran din ang 17-anyos Filipino netter kay Kempen at kung manalo nga ay haharapin sa round of 16 ang mananalo sa pagitan nina German qualifier Ralf Steinbach at US lucky loser Mac Styslinger.

Binigyan ng seventh seeding si Patrombon nang umangat ito sa ITF ranking mula 39th place tungo sa 37th puwesto ngayon.

Siya lamang ang natatanging Filipino na maglalaro sa naturang kompetis­yon.