VKK, Solmeat milubong sa ilang mga kaatbang
CEBU, Philippines - Gipanglubong sa VKK ug sa Solmeat ang tagsa-tagsa nila ka kaatbang sa nagpadayong aksiyon sa LLBA Rollway Cup 2010 basketball tournament didto sa Villa Magallanes gym sa Lapu-Lapu City.
Ang VKK mipahamtang og 20 puntos nga lubong ngadto sa All Box sa iskor nga 77-57, samtang ang Solmeat mimasaker sa Rollway, 72-55.
Gikan sa 12-all paghuman sa unang kuwarter, ang VKK kalit nga nanginit sa third period diin mihimo kini og 15-6 aron pagposte og 49-25 paingon sa final period.
Si Rene Cuadra miposa og 17 puntos aron pangulohan ang VKK, samtang si Noli Paquibot mihakot og 16 puntos. Ang pilderong All Box gipangulohan ni Tampus pinaagi sa iyang 12 puntos.
Sa laing bahin, si Uriel Manilag mibugha og 20 puntos, samtang si Cacay Versoza miluglog og 13 puntos alang sa Solmeat nga temporaryo karong nag-una sa liderato bitbit ang 3-0 nga baraha.
Bugtong si Medina ang naka-iskor og double figures alang sa pilderong Rollway nga adunay 10 puntos.
PUNTOS MATAG USA
Unang duwa:
VKK (77) - Cuadra 17, Pacquibot 16, Juntilla 16, Alian 10, Gutib 8, Orque 5, Malingin 2, Oyao 2
ALLBOX (57) - Tampus 12, Amodia 10, Reyes 10, Brown 8, Hiyas 8, Manlosa 6, Malubay 3
Ikaduhang duwa:
SOLMEAT (72) - Manilag 20, Versoza 13, Lazarraga 8, Baslon 8, Temporada 6, Godinez 6, Tampus 4, Asuncion 4, Yares 2, Casio 2
ROLLWAY (55) - Medina 10, Dela Pieza 8, Llenes 8, Centes 7, Tubo 7, Sevilla 5, Carulasan 4, Amodia 4, Palad 2 (BANATNEWS)
- Latest
- Trending
