CEBU, Philippines - Sugdan na ni Johnriel Casimero ang iyang laraw nga mamahimong world champion, apan kinahanglan una siyang modaog sa iyang sangka batok ni Ramon Garcia Hirales karong Hulyo 3 didto sa La Paz, Baja California sa Mexico.
Sa press conference kagahapon didto sa Omega Boxing Gym, ang WBO interim light flyweight titlist nga si Casimero mibutyag nga anaa na siya sa hustong kondisyon human sa upat ka buwan niya nga training ug sparring.
“Confident kaayo ko nga modaog ko ani niya (Hirales), sakto na ko og training ug nahurot na nako akong sparring rounds,” matud pa sa 21-anyos nga si Casimero.
Kun modaog si Casimero, matud ni SGG Promotions big boss Sammy Gello-ani, iya dayong sugdan ang sabot-sabot alang sa Casimero-Ivan Calderon fight. – BANAT NEWS