Arcilla naka-double victory sa Bohol

CEBU, Philippines - Nakatagamtan na sab og laing double victory si Johnny Arcilla ning higayona sa 2010 Panglao National Open Tennis Competition didto sa Panglao Island sa Bohol niadtong miaging adlaw.

Human sa malampusong pagdepensa sa iyang korona sa singles ug doubles sa 3rd Cebuana Lhuillier Tennis Circuit dinhi sa Sugbu, si Arcilla ug ubang dekalibreng tennisters ang nanulong didto sa Bohol alang sa laing gubat.

Ang numero unong tennis player sa nasud nga si Arcilla mipulbos ni Kim Ivor Saraza, 6-2, 6-2.

Si Arcilla nidaog sab sa doubles uban sa amateur partner, alang sa "three-in-a-row" double win sa Visayas region sud lang sa usa ka bulan, duha ka double titles dinhi sa Sugbu ug usa sa Bohol.

Si Arcilla nangandam karon alang sa Davis Cup didto sa China sunod bulan.   (BANATNEWS)