CEBU, Philippines - Daku ang pagtuo ni Top Rank Inc. big boss Bob Arum nga dili tinuod ang gisangyaw ni Floyd Mayweather Jr. nga mopahuway una kini og usa ngadto sa duha ka tuig sa boxing.
Si Arum nagtuo nga nagpatagad lang si Mayweather Jr. aron hisgutan kini ug aron usab ilogon ang atensiyon sa mga boxing fans ngadto ni Manny Pacquiao kinsa ning uwahi midawat sa “Fighter of the Decade” ug “Fighter of the Year” award gikan sa Boxing Writers Association of America.
“You never know with Floyd. Sometimes he just talks for the sake of talking. If Floyd plans to take a year or two off, we should be seeing a formal press release soon,” matud pa ni Arum.
Bisan paman sa pamahayag ni Mayweather, desidido gihapon si Arum nga ipadayon ang negosasyon uban sa Golden Boy Promotions (GBP) alang sa katumanan sa maong mega fight nga tentatibong gitakda sa Nobiyemre 13. Lemuel P. Maglinte gikan sa boxingscene.com