RCAF, Ver-Son nagsawo sa liderato sa Abella Cup

CEBU, Philippines - Gilatigo sa RCAF ni team owner Romy Faunillan ang J&D team, 74-70, samtang gikastigo sa Ver-Son Maroons ang Gleam Signs, 71-56 sa Norvic Abella Cup 2010 summer basketball tournament didto sa Labangon hardcourt.

Ang RCAF naglabaw og   11 puntos sa halftime, 38-27 apan hapit kini madisgrasya dihang miaksiyon kini'g takilid sa fourth quarter. Maayo na lang gani kay nakapundo kini'g daku sa third period. 

Si Danrey Baclay mitusak og 19 sa kinatibuk-ang 29 puntos sa first, samtang sila si Alwen Tabasa ug Edgar Tapere nagkumboya'g 24 puntos alang sa RCAF.

Si Junrey Guimarangan maoy nangulo sa J&D sa iyang 19 puntos.

Sa laing bahin, si Jeff Dacuyan mi-iskor og 18 alang sa Ver-Son, samtang sila si Oliver Sabanal ug Dicksim Kintanar nagkumboya og 26 puntos.

Ang RCAF ug Ver-Son nagsawo karon sa liderato sa managsamang 5-1 win-loss records.

Puntos Matag Usa

Unang duwa:

RCAF (74) - Baclay 29, A. Tabasa 14, Tapere 10,Wilbur 7, Faunillan 6, Lozarita 4, J. Tabasa 2, Rodriguez 2

J&D (70) - Guimarangan 18, Bacus 12, D. Abella 12, Danggon 6, A. Abella 5, Caster 4, Cortes 4 Jabonero 4, Cabasan 3, Quijano 2

Ikaduhang duwa:

Ver-Son (71) - Dacuyan 18, Sabanal 15, Kintanar 11, Navarro 6, Wilson 5, Tapere 4, Sarucam 4, T. Sabanal 3, Avila 2, Treyes 2, Mamalias 1

Gleam Signs (56) - A. Lansang 10, Nemesis 10, Abella 10, Batad 7, Treyes 6, Quijada 4, Ebrada 4, R. Lansang 3, Tapayan 2. – BANAT NEWS