CEBU, Philippines - Ang gikaintapan kaniadto nga Cebu Institute of Technology (CIT) Wildkittens Batch ‘91-’92 nga gipangulohan ni ex-pro Gilbert Demape mag-”reunion” sud ning bulana.
Sa pagka karon, ang mga organizers sa maong kalihukan padayon pang nangontak sa mga sakop sa koponan aron madesisyonan ang petsa ug binyu.
Ang Wildkittens, kinsa maoy kampiyon sa Zonals Championship niadtong panahona, nahimutang sab sa ikatulo sa Cebu Amateur Athletic Association (CAAA).
Napakyas sila pagsud sa finals dihang napilde sa quotient ngadto sa Salazar Institute of Technology (SIT) Baby Skyblazers.
Sila maoy nirepresentar sa Cebu didto sa National Inter-Secondary Championships nga gipahigayon didto sa San Pedro, Laguna apan napilde sab sila sa San Beda Red Cubs sa finals.
Ubos ni coach Romy Cal, ang mga sakop sa champion team mao sila si Demape, skipper Robert Ortega, Joseph Caparida, Albert Cenabre, Elmer Arnado, Jumie Ararao, Roy Bacalso, Carlo del Rosario, Lad Lopez, Henry Dacua, Josel Castro ug George Magale.
Matud ni Ortega, kun kinsa kadtong gusto nga mahimong kabahin sa reunion, giawhag sa pagkontak kaniya sa 09232311438 o di ba ni Arlene Tongco sa 2549698. – BANAT NEWS