CEBU, Philippines - Bantayan na ni Rodel “Batang Mandaue” Mayol ang low blow nga buhian sa iyang kontra nga si Omar Nino Romero aron dili na mausab pa ang iyang gidangatan sa una nilang sangka.
Si Mayol modepensa sa iyang WBC light flyweight title sa ilang rematch ni Romero karong Hunyo 19 didto sa Mehiko.
“Hindi naman siya maruming boksingero pero madalas siyang gumagawa ng low blows. Ito ang talagang pinaghahandaan ko ngayon at hindi na mangyayari ito,” matud pa ni Mayol.
Kahinumduman nga miresulta sa usa ka kontrobersiyal nga “technical draw” ang unang sangka nila ni Mayol ug Romero niadtong Pebrero human makuyapi si Mayol dihang naigo sa kumo ni Romero, bisan paman og gi-uwang na sila sa referee tungod sa pagpunay og low blow sa Mehikano. – BANAT NEWS