Call center agents managan sa "Run for Q"
CEBU, Philippines - Magdinaganay na ang mga call center agents uban sa top runners dinhi sa Sugbu sa pagsikad sa Run for Q sayo ning buntag diha sa The Terraces sa Ayala Center-Cebu.
Dul-an sa 2,000 runners ang gilaumang modagan sa labing unang lumba nga gipasiugdahan sa Qualfon. Tipik kini sa ilang kalihukan sa pagsaulog nila sa ikaupat nga anibersaryo.
Si Kenyan missionary Simon Losiaboi nga kanunay'ng mangharos sa mga lumba dinhi sa Sugbu dul-an na sa usa ka tuig, mosuway na sab og sakmit sa titulo sa 16K men’s run.
Uban ni Losiaboi nga modagan sa 16K naglakip nila ni Mendel Lopez, Elmer Bartolo, Joebert Carolino ug Philip Dueñas nga pulos sab nagtinguha sa titulo.
Sa laing bahin, ang giilang Queen of the Road nga si Mary Grace delos Santos uban sa laing dekalibreng runners -- Mary Joy Tabal ug Madelyn Carter maoy magribal sa korona sa women's open.
Gawas sa 16K run, may lumba sab sa 10K, 5K ug 3K fun run. (BANAT NEWS)
- Latest
- Trending
