Froilan midaog vs. Warriors

CEBU, Philippines - Maayong tilimad-on   ang gipakita sa team Froilan human gipilde ang ilang karibal sa 1st Estaca Women’s Volleyball Open didto sa Estaca, Compostela.

Ang Froilan mihimo’g impresibong sinugdanan ug gipukan ang team Warriors sa straight set, 25-20, 25-15. Dayon nidaog batok sa University of San Carlos (USC) sud sa tulo ka sets, 25-14, 19-25, 25-23.

Sakop kanhi sa RP Youth nga si Genie Sabas uban ni RP team beach volley member Jusabelle Brillo uban ni kanhi Nestea Fit Beach Volley champs Apple Eve Saraum ug Erika Camille Verano, maoy nangulo sa team Froilan alang sa ilang duha ka daog.

Apan ang Froilan nahagba sa Roble Shipping Lines, 25-16, 22-25, 20-25 kortesiya nilang Mechelle Matuguina, Cheche Bohol ug sa SWU stalwarts nga sila si Raphril Aguilar, Lorie May Layno ug Luilyn Pacinio ug Abegail Praca sa (USJ-R).

Mikutlo og laing daog ang Roble Shipping human gipilde ang Warriors, 25-17, 25-13. – BANAT NEWS