1st Palarong Pambarangay sa Duljo-Fatima mabulokon

CEBU, Philippines - Nagmalampuson ug mabulokon ang pagpahigayon sa 1st Palarong Pambarangay sa Duljo-Fatima niadtong Mayo 15-16 didto sa San Nicolas Elementary School grounds.

Napulo ka teams sa seniors citizens ang miapil sa duha ka adlaw nga kumbati diin ang Maroon team maoy migawas nga kampiyon.

Lain pang teams nga misalmot mao ang Red team, diin usa sa ilang player usa ka buta, Orange, Violet, Yellow, Dark Blue, Tribal, Gray, Mint Green ug Pink.

Mga events nga gitigian naglakip sa hip-hip hurray, maria went to town, walkathon, catch the egg, dama, kiss the artists, hanky, vics-vics, tubig-tubig, relay, pok-pok palayok ug uban pang karaang mga duwa.

Ganting salapi ang nadawat sa mga mananaog ning labing unang Palarong Pambarangay nga gipasiugdahan ni Duljo-Fatima barangay councilor Ilde Carillo uban sa suporta sa ilang Brgy. Capt. Hon. Elmer Abella. –  BANAT NEWS