Cebu tracksters sugod na'g depensa
CEBU, Philippines - Mosugod na ang Cebu City tracksters pagdepensa sa men's overall title sa Milo National Open Track and Field Championship nga mosikad karong adlawa didto sa Rizal Memorial Sports Complex tracks.
Ang kinakusgan sa Commission on Higher Education (CHED) National Games nga si Lindley Fran Navaja ug Kent del Rosario, maoy mangulo sa team Cebu City sa 100 ug 200 meter sprint events.
Matud pa ni coach Babet Capangpangan nga iya gihapon iparada ang mga atleta sa men's team kinsa milangkat sa overall championship title sa miaging tuig.
Sa pikas bahin, si Capangpangan maghangad sa performances nilang Irin Baluran sa jumping events ug Sheena Gacayan sa 800m, 1500m ug 3000m long distance.
Ang women's team mipahiluna sa ikatulo sa overall sa miaging tuig. – BANAT NEWS
- Latest
- Trending
