1st BSP Swimfest Mayo 30

CEBU, Philippines - Naghugpong ang puwersa Boy Scouts of the Philippines (BSP) ug ang Cebu Lifesaving and Aquatics Sports Association Inc .aron mamugna ang 1st BSP Novice Swimming Meet nga gikatakda karong Mayo 30 diha sa BSP Camp sa Brgy. Lahug.

Giawhag sa event organizers ang nagkalain-laing swimming clubs sa pagpaapil sa ilang bag-ong swimmers sa maong kalihukan.

Mga kategoriya nga tigian naglakip sa 6-under, 7-under, 8, 9-10, 11-12 ug 13-above.

Aduna kini registration fee nga P350 matag swimmers libre na niini ang souvenir t-shirt. Ang registration hangtod lang karong Mayo 27.

Alang sa dugang mga kasayoran kalabot sa swimfest, mahimong motawag ni Jess Arriola sa 0918-9077935.  – BANAT NEWS