CEBU, Philippines - Nakakuha na'g lingkoranan sa semifinals si Christopher Encarnacion sa boys 14-under sa 2010 MILO Junior Tennis Cup-Visayas kagahapon didto sa Cebu Country Club.
Si Encarnacion mipukan ni Oliver Booth, 6-0, 6-0 aron pag-abante sa penultimate round sa boys 14-under.
Sunod sangkaon ni Encarnacion mao si Ralph Juliane, kinsa miabante sab human sa iyang 6-2, 6-1 nga kadaugan batok ni Nick Mark Basanal.
Laing magsangka sa semis boys 14-under mao sila si Adrian Parangan batok Christian Ugarte.
Sa pikas bahin, si Krissianne Issa Kintanar, Mary Joy Calapre, Clarissa Mae Fuentes miabante sab sa last round of four.
Si Kintanar naka-eskapo batok ni Sofia Dael, 6-3, 1-6, 10-2, samtang si Fuentes miugsok ni Girlie Buanghug, 6-1, 6-1. – BANAT NEWS