USPF mipalagpot sa Pajo sa Shakey's V-League

CEBU, Philippines - Natambalan na ang kauhaw sa University of Southern Philippines Foundation sud sa duha ka tuig human nila gipakanaog sa trono ang two-time champion Pajo National High School (PNHS) sa straight sets, 3-0 aron paghari sa Cebu elimination sa 7th Shakey's Girls Volleyball League's niadtong Domingo didto sa Brgy. Sambag I Sports Complex.

Sa maong kadaugan, ang USPF nakaangkon og pasaporte alang sa 7th Shakey's Girls V-League National Finals karong Mayo 18-23 sa Tacloban City.

Sa laing bahin, ang Don Bosco Gerardo Ouano Memorial National High School ni coach Dindo Alilin mipukan sa University of San Carlos (USC), 25-18, 21-25, 27-25 aron pagsakmit sa ikatulo nga dapit. – BANAT NEWS