Junior tennis players pinaksitay na sab
CEBU, Philippines - Subli na sab nga mopakita sa ilang labok ang mga masaarong junior tennis players dinhi sa Sugbu sa 2010 Milo Junior Tennis Cup-Visayas diha sa Baseline Sports and Recreation Center.
Ang Visayas leg magsilbe nga usa sa upat ka qualifying stages. Ang ubang legs naglakip sa Davao, Pampanga ug Quezon City.
Gibahin kini sa nagkalain-laing age-groups: unisex 10-under, boys and girls 12 ug 14-under.
Sa Visayas leg sa MILO netfest, ang tigpasiugda nga CTW Group uban sa Philippine Lawn Tennis Association midugang sa boys ug girls 16 and 18-under divisions.
Hinuon, ang 16 ug 18-under divisions dili malakip sa kampiyonato, apan mokabig gihapon kini'g national ranking points.
Ang mga mananaog moabante ngadto sa national finals karong Agosto 26-29 didto sa Clark Freeport Zone sa Mabalacat, Pampanga batok sa laing regional finalists.
Ang regional qualifiers makadawat og educational fund balor og P5,000 atol sa national finals.
Ang MILO-RP tennis team nakapadala na'g mga tennis players ngadto sa Malaysia Northern State International Junior Tennis Championships sa Selangor, Langkawi, Penang ug Perlis sukad niadtong 1983. (BANATNEWS)
- Latest
- Trending
