Rundaue 2010 pormal gilusad

CEBU, Philippines - Laing lumba sa dagan ang gikatakda sa Mandaue pinaagi sa pagpahigayon og Rundaue 2010 karong Mayo 16 diha sa Parkmall sa Mandaue Reclamation area.

Dul-an sa 1,500 ka   runners ang gilaumang mosalmot sa lumba nga gibahin sa tulo ka kategoriya -- 10K Open, 5K ug 3K.

Ang runners mosubay sa Cansaga bridge nga nagkonek sa Mandaue ngadto sa Liloan.

"Ang lumba magsilbeng kick-off alang sa full marathon nga ilusad karong Agosto diha sa Mandaue," matud ni event tehnical director Kristian Cortez, atol sa press conference kagahapon didto sa Fine Cuisine sa Parkmall.

Usa sa tumong sa mga organizers mao ang pagpalambo sa running events diha sa Mandaue.

Ganting salapi ug gift certificate gikan sa Runnr Apparels ang nagpaabot sa top runners sa matag dibisyon.

Ang lumba gipaluyohan sab sa Department of Tourism ug sa Mandaue City Sports Development Commission.

Aduna kini registration fee nga P200. Ang deadline gikatakda karong Mayo 12 ug ang runner's kit ihatag sa Mayo 14 ug 15.

Mahimong magparehistro sa R.O.X ug Runnr sa Ayala Center, Toby’s Sports sa SM North wing, Citigym sa Waterfront ug sa Mandaue City Tourism Office. (BANATNEWS)