USPF mopahigayon og try-outs karon

CEBU, Philippines - Gidapit ni University of Southern Philippines-Foundation (USP-F) Panthers head coach Raul Latonio, Sr. ang mga mahiligon sa basketbol sa pagsalmot sa ilang try-outs karong Mayo 3-7 diha sa USPF Lahug gym.

Ang try-outs magsugod sa alas-8 hangtod sa alas-11 sa buntag.

Matud ni Latonio nga nagkinahanglan sila karon og labing menos tulo ka dagkung players nga andam motabang sa ilang kampanya sa umaabot nga   Cebu Schools Athletic Foundation, Inc. (CESAFI).

Gilauman ni Latonio nga makakita siya’g dagkung players ug ingon man makakaplag og maayong point guard.

Sa laing bahin, mopahigayon sab og linain nga try-outs ang  high school players nga interesado sab nga mahimong sakop sa USPF Baby Panthers.

Ang masakop sa USPF basketball squad makadawat og full scholarship ug ingon man practice games ug actual games allowances. Libre sab ang pagpuyo sa ilang players quarter niadtong mga players nagpuyo sa mga lagyong dapit.  – BANAT NEWS