CEBU, Philippines - Hingpit na nga gibuhian ang maayong laking pointguard nga si Jerie Marlon Pingoy sa University of Cebu (UC) Junior Webmasters sa UC management aron makaduwa sa Far Eastern University (FEU) Baby Tamaraws sa UAAP.
Si UC Junior Webmasters coach Reggie Licanda nagkanayon nga ang batan-ong Pingoy pormal nga gibuhian gikan sa UC uban sa pagtugot ni team manager ug UC College of Law Dean Atty. Baldomero C. Estenzo.
Si Pingoy nalakip sa Palarong Pambasa Mythical Five ug usa sa mga alas sa UC Junior Webmasters, kinsa nakasulod sa CESAFI Partner's Cup finals. Siya sab ang responsable sa UC pag-iskor og sweep sa CESAFI regular season ug sa Partner's Cup sa miaging tuig. Apan wala siya makabilin og korona sa iyang koponan
Gawas sa FEU, si Pingoy nakadawat sab og tanyag aron moduwa sa San Beda, La Salle ug Letran. (BANATNEWS)