CEBU, Philippines - Ang batan-ong players nga gipaluyohan sa M. Lhuillier uban sa Palarong Pambansa silver medalist PAREF-Springdale ug Abellana National School-Pomeroy maoy unang tulo ka koponan nga mitala og daog sa 10th National Inter-Club Football Tournament didto sa University of San Carlos-Technological Center.
Ang runner-up sa Palarong Pambansa PAREF-Springdale mibuntog sa USC-North, 9-0 sa boys 17-under didto sa USC field.
Ang Springdale nagtinguha sa ilang sunod-sunod nga kadaugan sa dihang ilang harungon ang Sacred Heart School-Jesuits ugmang adlawa.
Sa laing bahin, ang defending boys 17-under champion ANS-Pomeroy mipukan sab sa Blessed John, 4-1.
Sa players 10 action, ang M. Lhuillier walay kukaikog nga mipaluhod sa Springdale sa kaugalingon nilang balwarte, 8-0. – BANAT NEWS