Nangapilde mga pambato sa Sugbu

CEBU, Philippines - Walay suwerte ang mga pambato sa Sugbu dihang nangapilde batok sa tagsa-tagsa nila ka kaatbang sa 14th Nestea Fit Beach Volley-"Battle of the Champions" kagahapon didto sa Boracay Island.

Ang defending champion Erika Camille Verano ug Apple Eve Saraum sa University of Southern Philippines Foundation (USPF) pakyas pagkuha sa korona sa women's division dihang napukan sila ngadto sa Adamson University atol sa crossover semifinals.

Sila Verano ug Saraum mipaluhod    sa ilang karibal   sa korona sa miaging tuig Adamson pinaagi sa pag-iskor og 21-11, 21-14.

Sa men's bracket, sila si Edward Ybañez ug Emmanuel Marlon Luces sa USPF nakasinati sab og kapildihan human masugamak sa three-set decision game batok nilang Jason Ramos ug Henry Campaña sa University of Sto. Tomas. – BANAT NEWS