CEBU, Philippines - Moulbo na karong adlawa ang 6th Inter-BPO Basketball Tournament sa ala-1:30 sa hapon diha sa City Sports Club-Cebu gym.
Duha ka kulbahinam nga duwa ang mahitabo karon diin ang Qualfon ug Wipro magsangka sa pasiunang duwa nga gikatakda sa alas-2:30 sa hapon, sundan kini sa duwa tali sa Western Wats ug sa Accenture.
Ang defending champion Convergys mosuway pagsakmit sa ilang sunod-sunod nga korona ning tuiga.
Mokompleto sa mga partisipanteng koponan mao ang Teletech, Calltek, Aegis People Support, Eperformax, Lexmark, Cebu Global Tele Service (kanhi Etelecare) ug ang Vector BPO.
Ang mga teams mosubay og single round-robin format diin ang top eight moabante sa quarterfinal playoffs. Ang nag-unang upat ka teams makabaton og "twice-to-beat" advantage sa semis.
Ang semis ug finals ipaagi sa "best-of-three" series.
Pagaduwaon kini matag weekend ug matapos kini karong bulan sa Septiyembre. (BANATNEWS)