USJR nangita'g players

CEBU, Philippines - Nanginahanglan karon ang University of San Jose-Recoletos (USJ-R) Jaguars ni coach Edito Salacut og dugang players nga mamahimong miyembro sa ilang team alang sa umaabot nga Cebu Schools Athletic Foundation, Inc. (CESAFI) basketball event.

 Mas labaw pang nanginahanglan og dugang players ang Baby Jaguars ni coach Marlon Piodo   kay si Renzo Senining na lang ang mahibilin sa team. 

Ang Jaguars nga gipaluyohan sa Ave Maria Sanctuary Park maoy kampiyon sa collegiate division sa Partner’s Cup human ilang gi-sweep ang San Marino Corned Tuna-USC Warriors sa ilang best-of-five championship series kaniadtong Martes didto sa Cebu Coliseum.

Ang try-outs sa high school pagahimuon matag alas 8-10 sa buntag gikan sa Lunes hangtod Biyernes, samtang sa collegiate gikan sa alas-4 sa hapon hangtod sa alas-7 sa gabii.

Gawas sa scholarship, ang mahimong sakop sa team malibre sab og puyo sa ilang quarters sa USJ-R Basak campus. – BANAT NEWS