USJ-R, ma-presyur sa 14th Nestea Fit Beach Volley
CEBU, Philippines - Dili sayon ug seguradong ma-presyur ang University of San Jose-Recoletos (USJ-R) ug ang University of Southern Philippines Foundation (USPF) sa ilang pagpanalipod sa tagsa-tagsa nila ka korona sa 14th Nestea Fit Beach Volley national finals nga ulohan og "Battle of the Champions" karong Abril 22-24 didto sa Boracay Island.
Ang USJ-R nilang Ariel Carumba ug Joujei Tipgos maoy reigning champion sa men's division, samtang ang USPF nilang Erika Camille Verano ug Apple Eve Saraum mao sab ang defending champion sa women's class.
"Pressured among duwa kay mo-defend mi og title, but we will give them a good fight," matud ni USJ-R head coach Grace Antigua, ang Cebu Sports Hall of Famer.
Sa iyang bahin, si USPF coach Thelma Barina mohimo'g mga kausaban aron molampos sila sa Verano ug Saraum sa kampanya pagdepensa sa ilang korona.
Gawas sa USJ-R, UAAP champion University of Sto. Tomas, kanhi kampiyon Far Eastern University, ang men's bracket gilangkuban sa Colegio de San Juan de Letran, University of Perpetual System-Laguna, University of Negros Occidental-Recoletos (UNO-R), Mindanao State University (MSU)-Tawi-Tawi ug Maharlika Institute of Technology (MIT).
Sa pikas bahin, uban sa USPF mao ang Adamson University, University of Perpetual Help Dalta System, Philippine Christian University-Dasmariñas, University of St. La Salle-Bacolod, De La Salle-Dasmariñas, Central Philippines University, University of Mindanao-Tagum ug MSU-Tawi-Tawi.
Gawas sa mga tropeyo ug medalya, ang kampiyon sa men ug women's divisions makadawat og P100,000 matag usa.
- Latest
- Trending
