Runners nagpanikad na's Takbong Urology

CEBU, Philippines - Nagpanikad na sab ang mga runners alang sa Takbong Urology ugmang adlawa diha sa The Terraces grounds sa Ayala Center-Cebu.

Ang lumba nga gipasiugdahan sa Philippine Urologist Association (PUA) alang sa ilang awareness campaign alang sa urinary ug prostate health care, adunay tulo ka kategoriya -- 10K, 5K ug 3K.

Sama sa gihapon, ang mga seasoned runners sa Sugbu sama nilang Kenyan missionary Simon Losiaboi, Mendel Lopez, Mary Grace delos Santos ug Madelyn Carter maoy mangulo sa aksiyon.

Uban pang personalidad nga managan mao ang running doctors nga sila si Dr. Peter Mancao ug international marathoner   Dr. Yong Larrazabal.

Ang lumba gipaluyohan sab sa Sports and Fitness Enthusiasts (SAFE) sa pagpangulo ni race director Joel Baring. – BANAT NEWS