CEBU, Philippines – Midaog si Edsel Alegado isip singles champion sa Cambuntan Darts Tournament didto sa Baritua Sports Bar sa Cambuntan sa dakbayan sa Carcar, Cebu.
Gipukan ni Alegado ang higpit nga karibal Frederick John Villaflor alang sa taas nga dapit, samtang si Norberto Campugan mipahiluna sa ikatulo nga dapit.
Sa laing bahin, si Dr. Celestino Baritua Jr. ug Primo Poncardas maoy naghari sa doubles compettion.
Ang tandem nilang Baritua ug Poncardas mipilde sa paresan nilang Norberto Campugan ug Charley Winston Apostol sa finals.
Sila si Frederick John Villaflor ug Ben Daniel Bolo maoy mi-okupar sa ikatulong dapit sa maong kompetisyon nga gipasiugdahan ni R. Celestino. -Yoyo R. Abayan (BANAT NEWS)