Matias Foods Haus nag-una na sa Banilad Inter-Company

CEBU, Philippines - Wala matay-og ang Matias Foods Haus bisan pa sa makabungog nga 42 puntos ni Joshua Cabanero sa Primex squad dihang mihaon kini og 97-89 nga kadaugan sa Banilad Inter-Company 2010 summer basketball tournament didto sa Banilad Sports Center sa dakbayan sa Mandaue.

Ang Foodmasters mao na karon ang nag-una sa liderato nga adunay 3-1 nga baraha.

Unom ka players sa Foodmasters ang mi-iskor og double figures aron pakgangon ang nagdahunog nga rally sa Primex.

 Ang Primex maoy naglabaw sa first period, 23-22 apan yano ra nga nailog sa Foodmasters ang labaw. Miabante og balik ang Primex sa pagsugod sa fourth period, 72-70 pinaagi sa pagpanginit ni Joshua Cabanero.

Aron dili madiskuhedo, si Foodmasters' coach Norwin Honoridez migamit og 1-2-2   zone defense nga gipasiugdahan nilang Jun Santiago ug ex-USC Warrior James Engel Sievert.

Si Axel Joseph Rabaya maoy nangu sa Foodmasters pinaagi sa iyang 21 puntos, gisundan nilang Jerzon Espinosa ug Jessie Lumantas nga adunay 12 puntos matag usa. Si Santiago miabuno og 11 puntos ug sila si Sievert ug Chris Diamos parehong miamot og 10 puntos.

 PUNTOS MATAG USA

Matias FH (97) - Rabaya 21, Espinosa 12, Lumantas 12, Santiago 11, Sievert 10, Diamos 10, Antipuiesto 8, D. Santiago 6, Victor 3, Lariosa 2, Galvez 2

Primex (89) - Cabanero 42, Delfin 10, R. Cabanero 7, Rita 6, Partulan 6, Cabasag 4, Ologuin 4, Torreon 3, Ortido 2, Colegado 2, Jamisola 1, Villasquina 1    (BANATNEWS)