Power Forty Selection kampiyon sa CGBL caging

CEBU, Philippines - Ang kusgang sentrong si Cesar Esteban Ortega ug si ace point guard Michael Arias sa champion team Power Forty Selection maoy nagsawo sa MVP awards sa Cebu Golden Basketball League (CGBL) atol sa awarding ceremony didto sa panimalay ni league organizer Atty. Flor Yosores sa Tayud, Consolacion.

Sila si Ortega ug Arias mao sab ang nangu sa Mythical Five uban nilang power forwards Gilbert Gajudo sa Power Forty ug Romeo Vasquez ug offguard Titing dela Torre sa second placer Minglanilla Basketball Association (MIBA).

Ang awarding ceremony gitambongan ni former PBA star Elmer 'Boy' Cabahug, Montoy Singson ug Opel Cabaltera, kanhi USJ-R Jaguar star.

Isip champion, ang Power Forty nakadawat og P15,000, samtang ang MIBA mibulsa og P7,500 ug ang 3rd placer nga Better Run Basketball Association (BRBA) nakaangkon og P5,000.

Ang maiden CGBL season nahimong posible tungod sa suporta sa Coca-Cola, Park N' Go Bakeshop, FAG Machine, Water Market, UTASSCO/Yosores Law Firm, CLS Properties Inc. ni Cesar Salimbangon ug Inayawan Brgy. Capt. Rustom Ignacio. – BANAT NEWS