CEBU, Philippines - Adunay ipahigayon nga kiddies chess tournament nga nagpangedaron og 14 anyos ug paubos karong Marso 28 diha sa BJ Billiards and Recreation Hall sa Highway Tunghaan, Minglanilla.
Ang torneyo mosubay sa 7-round Swiss system format diin ang mga magduduwa hatagan og 20 minutos aron tapuson ang matag duwa.
Aduna kini registration fee nga P40. Ang kampiyon makadawat og P500, mopahiluna sa ikaduha makaangkon og P300, samtang ang mokapyot sa ikatulo nga dapit mobulsa og P200.
Giawhag kadtong interesadong mosalmot sa kompetisyon sa pagdala sa kaugalingon nilang chess set ug clock.
Alang sa dugang mga kasayoran kalabot sa kiddies chess, mahimong motawag ni Leon sa BJ Billiards Hall sa 0939-1873771.
Pagadumalaon kini ni international arbiter Marvin Ruelan. – BANAT NEWS