MANILA, Philippines - Mapapasabak ang pito sa nangungunang junior badminton players sa bansa sa mga matitikas sa region sa kanilang paglahok sa Badminton Asia Youth Under-129 Championship na magbubukas sa Linggo sa Stadium Juara, Bukit Kiara, Kuala Lumpur, Malaysia.
Babanderahan nina national team at pool member Malvinne Ann Venice Alcala, Gelita Castilo, Gerald Sibayan at Niko Shadrach Saquin ang RP contingent sa nasabing event at umaasa sila na mailalabas nila ang kani-kanilang mahusay na performance sa mixed team event at individual competitions sa mga matitikas na karibal na bansa mula sa region.
Magbibigay naman ng suporta sa koponan sina Philip Escueta, Jose Martinez at Nikki Servando ng Bacolod City. Kasalukuyang ginaganap na ang mixed event at magtatapos ito sa Marso 24 na magsisilbi ring panimula ng hostilidad sa individual competitions kung saan ang RP juniors ay nakabilang sa Group C at third seed ang Thailand at Sri Lanka.
Paglalabanan sa naturang events ang boys’ and girls’ singles, boys’ and girls’ doubles at mixed doubles.