Matias Food Haus daog

CEBU, Philippines - Angayan unta ang Rolling Hills nga molubong sa kontra, apan napakyas dihang nabukog kini sa nagpungasi nga opensa sa Matias Food Haus ni Yoli Meso, 85-99 sa nagpadayong Banilad Inter-Company summer barangay tournament didto sa Banilad Sports Center sa dakbayan sa Mandaue.

Ang Foodmasters nabiyaan og 11 puntos sa halftime, 33-44, apan mibukal ang ilang kainit pagsugod sa third period pinaagi nilang ex-UV Lancer center Jerson Espinosa ug kanhi SWU Cobra Jessie Lumantas nga nagkumboya og 38 puntos.

 Si 6-foot-6 Espinosa mihakot og 20 puntos, samtang Lumantas miabuno og 18 puntos ug si Winston Perez midugang og 17 puntos alang sa maong kadaugan.

Ang pilderong Rolling Hills gipangulohan ni Rodil Bonsucan pinaagi sa iyang 14 puntos, gisundan ni ex-USC Warrior Bong Eleazar nga adunay 13 puntos.

PUNTOS MATAG USA

Matias Foods (99) - Espinosa 20, Lumantas 18, Perez 17, Galvez 7, Rabaya 7, Jr. Santiago 6, Sievert 5, B. Santiago 5, Limbaroc 4, Bandala 4, Meso 3, Zabala 2, Yu 1

Rolling Hills (85) - Bonsucan 14, Eleazar 13, Grill 12, Loberanes 12, suico 12, Mantal 8, Hernandez 6, Olimpo 4, Remedio 2, Capuyan 2   (BANATNEWS)