CEBU, Philippines - Moparada sa ilang mga bag-ong sakyanan ug bag-ong driver ang Team No Care Racing (NCR) sa pagsikad sa 2010 Philippine Autocross Series karong adlawa diha sa Parkmall sa north reclamation area.
"Mao kini ang sinugdanan sa bag-ong season. Ang team adunay bag-ong sakyanan, bag-ong driver ug bag-ong sponsor, apan mao ra ang tumong -- ang pagdaog," matud pa ni Alan 'Big Al' G. Choachuy, usa sa mga founding members sa Team NCR atol sa press conference niadtong Huwebes didto sa Chika-an Restaurant sa Parkmall.
Ang Maxxis maoy labing bag-ong corporate backer, maoy mohatag og pulido nga ligid alang sa NCR cars, samtang si Eric Canama ang bag-ong driver. – BANAT NEWS