MANILA, Philippines - Sa pag-iwas sa anumang agawan sa puwesto, nanatili sa pang anim na posisyon ang Roadbike Phils.-711 matapos ang 149-kilometer seventh stop ng Binh Duong TV Cup Tour of Vietnam kamakalawa.
Ngunit mas naging agresibo naman si rookie Nikko Cortez nang kunin ang fourth place sa intermediate sprint na bumaybay sa beach resort city ng Na Thrang to Phan Rang.
Nagtala ang 21-anyos na si Cortez ng tiyempong 02:14:12 kagaya ng 70 riders para sa huling dalawang yugto ng naturang nine-leg bikathon.
Nagsalo naman sina Lloyd Lucien Reynante at Merculio Ramos Jr. para sa 18th at 19th spots, habang nasa No. 32 at No. 34 sina Rhome Antonio at Mark Guebarra, ayon sa pagkakasunod.
Patuloy pa ring nakaupo si Reynante sa No. 17 overall sa kanyang oras na 18:31.45 sa ilalim nina Mongolian overall leader Tuguldur Tuulkhangai (18:29.54).
Ang RP-711 team ay nasa No. 6 overall sa kanilang aggregate time na 55:35.28 at 4:39 ang agwat sa overall team frontrunner Domesco Dong Thap (55:30.49 kasunod ang BVTV Saigion (55:30.52) at ADC-Truyen hinh Vin Long (55:30.59).