CEBU, Philippines - Gidominaran na usab sa mga boksidor gikan sa Cebu City Sports Center (CCSC) Stable ang laing hugna sa "Paboksing sa Barangay" didto sa V. Rama, English sa Brgy. Guadalupe, ning siyudad.
Midaog ang CCSC og unom sa pito ka away kortesiya nilang Rodex Piala, Junriel Jimenez, Jay-R Baroma, Allan Refuela, Raymund Empic ug Zorro Mabel.
Bugtong si Poi Fanuga ang pakyas pagdaog human miluhod ngadto ni Mark Recabo sa Omega Stable sa 60 kgs. division.
Laing midaog sa "Paboksing sa Barangay" nga gipasiugdahan sa Cebu City Sports Commission ug Cebu City Government mao sila si Joselito Abella, kinsa mipaundang ni Joselito Cabigas sa Tapol Stable sa 51 kgs. division ug si Jerome Casas sa Rex 'Wakee' Salud (RWS) stable nga mikulata ni Crzalde Baclay sa Talamban Night High School (TNHS) sa 52 kgs. class. Si Carlo Estanda sa Bacayan Stable midaog sab batok ni Stephen Abdiano sa TNHS sa 41 kgs. division ug si Roderick Dabo sa Talisay Boxing Club mikulata ni Rexon Atizof sa Omega Stable. – BANAT NEWS