CEBU, Philippines - Ang mga batan-ong basketbolista gikan sa lungsod sa Poro milampurnas sa Pilar, 66-47 aron paglangkat sa kampiyonato sa Camotes Island Inter-Town cluster sa 5th District Congressman Red Durano Cup 2010 basketball tournament sa miaging weekend didto sa Pilar gym.
Gumikan niini, ang Porohanons maoy morepresentar sa Camotes alang sa Congressman Durano Cup semifinals karong summer diha sa Danao City.
Ang Poro nabiyaan og siyete puntos, 22-29 sa ulahing bahin sa second period, apan mi-rally kini sa ikatulong kuwarter aron pag-ilog sa labaw, 41-36.
Si Dodong Estrera maoy topscorer sa Poro pinaagi sa iyang 18 puntos, gisundan ni Boy Gonzales nga adunay 11 puntos.
Ang pilderong Pilar gipangulohan sab nilang Bong Banes ug Toto Pelota nga nagkumboya og 31 puntos.
PUNTOS MATAG USA
Poro (66) - D. Estrera 18, Gonzales 11, Sevilleno 8, Luceno 8, L. Estrera 7, Robledo 6, Morata 5, Borlasa 3
Pilar (47) - B. Banes 18, Pelota 13, T. Banes 5, Arellano 4, Colon 4, Fernandez 3 (BANATNEWS)