Yayoy's Grill Classified Doubles Weekly Darts Tournament gitakda
CEBU, Philippines - Sa tuyo nga makabaton og mga dekalibreng darters nga modala sa ngan sa Team Cebu City, adunay ipahigayon nga senemanang torneyo nga ulohan og "Yayoy's Grill Classified Doubles Weekly Darts Tournament" sugod karong Biyernes.
Mao kini ang labing unang higayon nga ang darts competition himuon sa maong binyu.
Gisuportahan kini ni Cebu City Councilor ug Cebu City Sports Commission (CCSC) vice chairman Raul 'Yayoy' Alcoseba.
Buot ni Alcoseba nga kadto lamang mga maayong magduduwa ang morepresentar sa siyudad sa M. Lhuillier Kwarta Padala Cup and Osmeña-Rama Cup National Darts Competition sunod bulan.
Ang torneyo modagan ngadto sa upat ka sunod-sunod nga Biyernes diha sa Yayoy's Grill and Resto Bar.
Ang registration nagkantidad og P30. – BANAT NEWS
- Latest
- Trending
