CEBU, Philippines - Ang Jr. NBA Regional Selection Camp sa Sugbu ipahigayon karong adlawa diha sa Sacred Heart Academy Gym sa Mandaue City.
Sugdan ang camp sa alas-9 sa buntag hangtod sa alas-5 sa hapon.
Gilaumang moabot ngadto sa 300 ka mga bata nga nagpangedaron og 12-14 ang mosalmot sa tinuig nga kalihukan.
Libre ang registration ug kini ipaagi sa first-come, first served basis.
Ang Jr. NBA Cebu Regional Selection Camp pagadumalaon sa local Jr. NBA coaches Elmer 'Boy' Cabahug ug Al Solis, makig-uban sila ni Jr. NBA appointed coach ug PBA Legend Ronnie Magsanoc.
Kinahanglan ang mga bata makalusot sa lima ka skill stations -- Hi-Smart Dribbling Station, Hi-Smart Lay-up Station, Gatorade Shooting Station, Mitsubishi Footwork Station ug ilang basketball TV Passing Station. Ang ilang mga iskor sa matag station basihan sa ilang performance sa camp.
Unang-napulo ka campers ang kuhaon sa Cebu ug makakuha sab kini og pasaporte alang sa Jr. NBA National Training Camp karong Abril 16-18 didto sa Jose Rizal University gym sa Mandaluyong City, Manila. (BANATNEWS)