2010 Barangay Captain's Cup buksan karon

CEBU, Philippines - Katloa'g tulo (13) ka teams ang mopakita'g aksiyon sa Barangay Captain's Cup 2010 Tisa Inter-Commercial 40-Above First Conference Basketball Tournament nga mosikad karong adlawa diha sa Tisa Sports Complex.

Ang kalihukan nga sugdan pinaagi sa tradisyonal nga parada sa mga partisipanteng koponan sugdan sa alas-8 sa buntag, pagatambongan ni Mayor Tomas Osmeña, Vice-Mayor Michael Rama ug Tisa Brgy. Capt Eduardo Cabulao.

Mga koponan nga mosalmot naglakip sa Gaisano Capital-Tisa, Dumandac Apartment, AM Arante Construction, Sun Boxes Corp., Original Siomai sa Tisa, Mr. Jones, Casa Rositas Subdivision, M. Guacas Apartment, Kreemar Enterprises, BigAtin Trading, Lourdes Catering, Yayoy’s Grill and Resto Bar ug ang Monares Enterprises.

Ang kampiyon mobulsa og P5,000, ang mopahiluna sa ikaduha makadawat og P3,000 ug ang ikatulo makaangkon og P2,000.

Ang liga gipasiugdahan nilang Tisa barangay councilors Rex Cabulao ug Nilo Teniebro uban sa suporta sa Megapixel Net Café. (BANATNEWS)