CBM tankers mihakot og 14 ka bulawan

CEBU, Philippines - Ang Cebu Blue Marlins (CBM) tankers miratsada dayon sa unang adlaw sa 2nd Osky Mabilog Memorial Cup and National Youth Team Selection Trials diha sa Cebu City Sports Center kagahapon.

Sa unang 32 ka events, ang CBM mihakot og 14 ka bulawan, 12 ka silvers ug siyam ka bronzes.

Si Noel Cañeda milangoy og tulo ka golds pinaagi sa 400m freestyle ug 100m backstroke sa boys 18-under division. Si Michael Vega midaog og silver sa mao nga event, samtang si Felix Cristobal mikubkob og bronze medal.

Ang igsuon ni Michael nga si Paula Abigai Vega mitunol og duha ka golds sa girls 15-17 400m freestyle ug 50m breastroke. Si Aimee Sanchez mitunol sab og duha ka golds ug usa ka silver sa 400m freestyle ug 50m breaststroke sa girl’s under 18 class. Si Mary Arlette Baler mao usab ang nidominar sa 100m backstroke.

Sa laing bahin, ang mga batos ni coach Rolando Alvarez nga sila si Renan Gabriel Tapang, Danielle Ballesteros ug Karen Mae Indaya midaog og bulawan   sa boy’s 7-8 class, girl’s 11-12 ug sa girl’s 9-10 division. Si Michael Ichiro Kong midaog sab og gold ug bronze medals kortesiya sa boy’s 9-10 class. Si Anthony Linn Navarro mihipos og silver. – BANAT NEWS