Pacquiao-Clottey "pay-per-view" sa Crown Regency

CEBU, Philippines - Nagpaabot na sab ang tibuok nasud nga Pilipinhon sa pagkatkat og balik ni seven-division world champion Manny 'Pacman' Pacquiao, kinsa modepensa sa iyang titulo batok ni kanhi IBF welterweight champion Joshua 'The Hitter' Clottey karong Marso 14 (oras dinhi sa Pilipinas) didto sa Arlington, Texas, USA Dallas Cowboys Stadium.

Masaligon ang trainer ni Pacquiao nga si Freddie Roach nga pakamangon sa iyang batos si Clottey, apan wala siya masayod kun unsa nga round kini matumba.

Gisaysay ni Roach nga ang away tali ni WBO welterweight champ Pacquiao ug challenger Clottey, susama sa atong nakita nga away sa Pacquiao-Miguel Cotto showdown niadtong Nobiyembre 14, 2010.

Gumikan niini, ang Crown Regency Hotel & Towers mokuha og live coverage sa maong away nga naglakip og breakfast ug lunch buffet sa kantidad nga P799. Ang mga tiket mapalit sa hotel’s front desk ug sa 19th floor sa Club Ultima.

Samtang sa Crown Regency Suites sa Mactan, ang "pay-per-view" tickets mobalor og P499, naglakip na sa breakfast ug lunch buffet. – BANAT NEWS