Lai Garden balik finals sa GAA 1st Conference caging

CEBU, Philippines - Nagsalig ang Lai Garden cagers sa kainit ni Inting Reyes aron pagpukan sa Evan Aulga, 91-78 ug ingon man pag-abante ngadto sa finals sa Guadalupe Athletic Association (GAA) 1st Conference basketball tournament diha sa Guadalupe Sports Complex.

Si Reyes mipabuto og 22 puntos, samtang laing tulo niya ka teammates ang mirehistro og double figures.

Sa maong kadaugan, ang Lai Garden ni playing coach Dr. Boy Te maoy makigsangka batok sa Aqua Serv Mineral Water sa knockout finals karong Domingo. Ang Aqua Serv Mineral Water nakasud sab sa final human gipilde ang Swan, 105-100.  

Si Gaga Cabanilla miposa og 28 puntos alang sa Evan Aulga, kinsa makigsangka sa Swan alang sa ikatulong dapit.

Puntos Matag Usa

Lai Garden (91) - Reyes 22, Labra 17, Monternel 16, Hernandez 15, Cuizon 7, Miras 4, Te 4, Baclayon 2, Ricaña 2, Leyson 2

Evan Aulga (78) - Cabanilla 28, Gabisay 14, A. Albia 10, Tejam 8, Sollano 5, Escuyos 4, Albia 4, Carusza 3, Gabato 2. – BANAT NEWS