Prime Asia-DBTC daog na gyud

CEBU, Philippines - Mikulit sa labing una nilang daog ang Prime Asia-DBTC Greywolves sa pagpangulo sa ilang point guard Celso Colegado pinaagi sa pagpilde sa Bibbo-CIT Wildcats, 80-71 niadtong Domingo sa 4th CESAFI Partners’ Cup diha sa Cebu Coliseum.

Sa sayo pa, si Sam Hermosa midaog sa iyang ikatulong sunod-sunod nga straight player of the game award human mitusak sa iyang 3-pointer sa nahabiling nuybe segundos sa duwa aron baswaton ang San Marino Corned Tuna-USC Warriors ngadto sa kulbahinam nga kadaugan batok sa Aerosol-USPF Panthers, 75-73. 

Si Colegado, kinsa haniti na kaayong modala sa papel isip point guard, nahimong sayon alang kaniya ang paghimo’g assists ngadto sa iyang kaubanan. Apan ang iyang 3-pointer maoy miselyado sa kadaugan.

Si Colegado maoy nangu sa Greywolves sa iyang 14 puntos ug si Joseph Villaver midugang og 11 puntos alang sa ilang 1-4 nga baraha.

Ang Wildcats, kansang ilang sinaligan nga sila si Jerry Jaca ug Gerry Cavan gidemalas, gipangulohan ni Arnel Ipang pinaagi sa iyang 14 puntos.

Sa laing bahin, si Michael Cantonao mihipos og 15 puntos, samtang si Hermosa midugang og 14 puntos alang sa Warriors, kinsa nahimutang sa ikaduhang dapit sa ilang 4-1 win-loss record.

PUNTOS MATAG USA

Unang duwa:

San Marino-USC (75) - Cantonao 15, Hermosa 14, Cortes 9, Padillo 5, Duran 5, Panerio 5, Bakker 4, Codilla 3, Bercede 3, Reyes 3, Bautista 2

Aerosol-USPF (73) - Mercader 12, D. Ferraen 11, Labares 10, Rivera 8, Dajalos 8, Cabahug 5, Sereño 4, Ferraren 4, Bardillas 4, Fuentes 3, Avila 2, Nudalo 2

Ikaduhang duwa:

Prime Asia-DBTC (80) - Colegado 14, Villaver 11, Dela Rama 9, Aldave 9, Hernando 8, Tirado 7, Guba 5, Labagala 3, Lumapas 3, Espiritu 3, Georsua 2, Tecson 2

Bibbo-CIT (71) - Ipang 14, Jaca 9, Cavan 9, Curso 9, Taboada 8, Dela Cañete 8, Dela Cerna 4, Molero 3, Lopez 3, Resilla 2, Elmaga 2   (BANATNEWS)