1st S2BAA cagefest sugdan na karon

CEBU, Philippines - Pormal na nga buksan ang Osmeña and Rama Cup 1st S2BAA basketball tournament karong ala-1 sa hapon diha sa Sambag 2 Sports Complex.

Sa naandan, adunay parada sa mga partisipanteng koponan. Usa sa highlight sa opening ceremony mao ang pagpili og best muse.

Napulo'g-tulo (13) ka teams nga pangulohan sa Malayan Bank ug Chazyl Mae ang mopakita'g aksiyon sa usa ka bulan nga torneyo nga gipasiugdahan sa 2010 S2BAA officers ug ni Sambag 2 Brgy. Capt. Stephen Belarmino.

Ang kompetisyon mosubay og single round robin format sa elimination round. Ang top two teams matag bracket moduwa sa crossover semifinals diin ang mga mananaog magsangka alang sa kampiyonato.

Mga opisyales sa S2BAA naglakip nilang Bebot Ancot (chairman), Dodong Elizalde (secretary), Stephen Fostrero (finance officer), Glen Barena (commissioner), Edwin Gabutero (liaison officer), Nonelone Belocura (in-charge of scheduling of games), Jerome Tugaon (collector) ug Danilo Jagmoc, Wigwig Ancot ug Nestor Canseo (sergeant at arms).    (BANATNEWS)