Inter-Barili 9-Ball banatan na karon

CEBU, Philippines - Sugdan na karon ang gipaabot nga Inter-Barili 9-Ball billiard tournament didto sa James Billiard Center sa lungsod sa Barili.

Matud pa ni Rene Alquizola, kanhi manager sa DYMR Radyo ng Bayan Cebu nga ang torneyo bukas alang sa tanang residente sa Barili nga mahiligon sa duwang billiard.

Ang duha ka adlaw nga torneyo gipaluyohan nila ni Alquizola, Tonypet Cui Yu ug Carlo Estrada.

Si Alquizola, kinsa usa sa mga kandidato sa pagka-konsehal sa One Cebu Party midugang nga sa Marso 19-21 mopahigayon na usab sila og 10-Ball Open tournament.

Ganting salapi nga P30,000 ug tropeyo ang giandam alang sa mga mananaog.

Si Piravi Paras, ang presidente sa Barili Billiard Association maoy modumala sa torneyo.  – BANAT NEWS